-- ADVERTISEMENT --
Dako ang pasalig ni PLt. Col. Patrich Elma, hepe sa Traffic Enforcement Unit sa General Santos City, nga ang ilang gipahigayon nga “Road Safety Advocacy Program” nakatabang sa pagkunhod sa mga disgrasya sa kadalanan sa siyudad.
Matud ni Col. Elma, gisugdan ang programa niadtong Oktubre aron mahatagan og kahibalo ang mga driver ug motorista sa husto nga pagsunod sa balaod trapiko.
Giimbitahan ang mga partisipante nga motan-aw sa video presentation sulod sa 15 hangtod 20 minutos ug nanumpa nga ilang sundon ang tanang gipakita ug gitudlo sa programa, lakip na ang mga balaod trapiko.
Nanghinaut ang Traffic Enforcement Unit nga pinaagi sa maong programa, mas mapauswag ang kaluwasan sa kalsada ug malikayan ang mga aksidente sa kadalanan.
