GENERAL SANTOS CITY -Gikatakda nang ablehan ang roll-on, roll-off shipping service nga magkonekta sa Davao ug GenSan paingon sa Bitung City sa Indonesia sa umaabot nga Abril 30.
Matud ni Jojo Reynaldo, labaw sa South Central Mindanao Office sa MinDA, pangunahan nilang Pangulong Rodrigo Duterte ug Indonesian President Joko Widodo ang send-off ceremony sa maiden voyage sa M/V Super Shuttle RORO 14 gikan Davao Sasa Port paingon sa GenSan ug Bitung City.
Ang M/V Super Shuttle RORO 14 ang gipanag-iyahan sa usa ka cargo and RORO car carrier dinhi sa nasud.
Kahibaluan nga ilawom sa ASEAN RORO initiative, tumong sa naasoy’ng shipping route nga mapakusgan ang connectivity sa ASEAN ug ma-maximize ang paggamit sa regional lanes.
Gilauman usab nga mapakusgan ug mapalambo niini negosyo tali sa nagkalain-laing bahin sa Mindanao sa Pilipinas ug Sulawesi provinces sa Indonesia.
