GENERAL SANTOS CITY – Nakig-alayun na ang Tambler Police Station ngadto sa mga pamilya sa tulo nga namatay sa natigayong riot sa Greenville, Calumpang ning dakbayan sa miaging gabie.
Nasayran nga ang mga biktima mao silang Reymark Bahay, 15 anyos, taga Prk Magnolia, Calumpang, may samad-dinunggaban sa likod og si Christian Tamiongon, 19 anyos nga taga Fernandez St. Calumpang.
Samtang ang usa ang padayon pa nga giila nga anaa karon sa punerarya.
Sa imbestigasyon sa kapulisan, nahitabo ang insidente alas-11:00 sa gabii niadtong SAbado, tali sa mga grupo sa batan-on kon asa gikabutyag nga nag-inum ang mga nasampit tungod sa piyesta ni San Juan niadtong Sabado.
Nasayran nga gidala pa sa ospital si BAhay apan gideklarang dead on arrival sa ospital samtang ang laing duha ka biktima ang nakit-ang wala nay kinabuhi sa sagbutang bahin sa Prk. Greenville Calumpang..
Narekober usab sa crime scene ang 35 pulgada sa kutsilyo nga gituohan nga gigamit sa pagdunggab sa tulo ka biktima.
Pagkakaron padayong nangalap og dugang impormasyon ang mga otoridad aron mailhan og maaresto ang mga responsable sa kamatayon sa mg biktima.
