GENERAL SANTOS CITY – Nindot og maayo ang kondisyon sa lawas ni Sen. Manny Pacquiao sa nagpadayon niining training isip pagpangandam sa gikatakda niining pakigsangka batok kang Errol Spence.
Sa exclusive interview sa Bombo Radyo, gibutyag ni Coach Buboy Fernandez nga usa sa mga gitutukan ni Pacquiao atol sa iyang pagbansay ang gina-develop og ubang boxing style og technique.
Gidugang pa sa nasampit nga ilang gitun-an pagmaayo ang mamahimong counter punch ni Pacman ilabina na sa right hook nga sumbag ni Spence.
Sa pamahayag ni coach Buboy nga paningkamutan sa Team Pacquiao ang tanan aron magmalampuson ang pakigsangka sa fighting senator sa Agosto.
Giawhag niini ang mga tigpaminaw nga kanunay nga mututok saa Bombo Radyo aron mahibalo sa mga updates kalabot sa training sa pambansang kamao.
Sa pamahayag ni Coach Buboy nga 80% na ang kaandam ni Manny alang sa muabutay niining engkwentro.
Target sa Team Pacquiao nga maigo og kusog nga kinumo si Spence sa unang mga rounds sa dula aron mabatyagan nga bisag may edad na si Manny dili basta basta gihapon nga boksingero.
