Rido o away pamilya posibleng hinungdan sa natigayong serye sa buto sa armas sa bukirong bahin sa Brgy. Mindupok, Maitum Sarangani sumala sa kapulisan

SARANGANI – Posibleng rido o away sa pamilya ang hinungdan sa natigayong serye sa buto sa armas sa bukirong bahin sa Sitio Badol ug Sitio Bantog sa Brgy. Mindupok, Maitum Sarangani.

Sumala pa ni PMaj. Bernard Francia Jr, hepe sa Maitum Police Station nga nadunggan ang sunod sunod nga buto sa maong lugar.

Nasayran nag nagbinayluay ug buto ang mga miembro sa 104th Brigade MILF ilawom sa pagdumala ni Pinda kadir batok sa 105th Brigade MILF nga gipangunahan ni Bonde Binago.

Gumikan niini gipahigayon sa kapulisan ang hugot nga checkpoint sa tanang border pasulod ug pagawas sa Maitum Sarangani.

Nanawagan ang kapulisan sa muadto sa maitum nga mukooperar sa ipahigayon nga checkpoint.