Posibleng moabot sa 5 milyon ka metric tons ang importasyon sa bugas sa Pilipinas karong 2026 tungod sa epekto sa El Niño, sumala sa Department of Agriculture o DA.
Matud ni DA Secretary Francisco Tiu Laurel Jr., kasagarang nagkinahanglan lamang ang nasod og 3.8 hangtod 4 milyon ka metric tons nga bugas, apan posibleng madugangan ang importasyon aron masiguro ang igo nga suplay.
Gilauman usab sa DA nga mokunhod ang rice imports sa 2027 ngadto sa 3.8 milyon ka metric tons. Giandam na usab ang dugang nga suplay alang sa unang quarter sa sunod tuig.
Matud ni Tiu Laurel, importante nga mapabilin ang kapin 60 ka adlaw nga buffer stock tungod sa dili matag-an nga kausaban sa klima.
Ang Pilipinas mao ang pinakadakong importer sa bugas sa kalibotan. Niadtong miaging tuig, nakainport ang nasod og 3.39 milyon ka metric tons nga bugas.
