Gisagol na ang kanhi senador nga si Ramon “Bong” Revilla Jr. sa kinatibuk-ang populasyon sa New Quezon City Jail Male Dormitory, usa ka semana human siya nasulod sa prisohan.
Sumala sa Bureau of Jail Management and Penology (BJMP), si Revilla makig-uban sa usa ka selda uban sa unom pa ka persons deprived of liberty (PDLs) nga walay kalabutan sa kaso sa anomaliya sa flood control project sa Bulacan.
Si Revilla ug upat sa iyang mga kaubang akusado nakakompleto na sa mandatory nga pito ka adlaw nga medical quarantine alang sa mga bag-ong PDL ug gibalhin na sa ordinaryong mga selda niadtong Martes.
Nag-atubang sila og mga kaso sa malversation of public funds ug falsification of public documents kalabot sa giingong P92.8-milyon nga ghost flood control project.
Matud usab sa BJMP nga ang mga kaubang piniriso ni Revilla mga low-risk PDLs, basi sa seguridad, medikal, ug legal nga mga assessment. Ingo man nga nagpabiling hugot ang seguridad tungod sa taas nga profile sa kaso, ug hugot nga gibarugan nga walay VIP treatment.
Sa wala pa ang pagbalhin, si Revilla gibisita sa iyang pamilya, lakip na ang iyang asawa nga si Rep. Lani Mercado, kinsa miingon nga ang ilang mga pag-ampo anaa kaniya ug nga ang kanhi senador anaa sa maayong kahimtang.
