GENERAL SANTOS CITY – Gimonitor na sa kapulisan ang mga lugar nga posibleng taguan sa usa ka construction worker human nga gitudlong milugos sa usa ka 13-anyos.
Kahinumduman nga misibat na matud pa ang suspek human mahibaw-an nga nagpatabang ang biktima sa kapulisan. Apan sa pagsaysay sa biktima nga nanimuyo ang responsable sa paglugos kaniya sa Sinawal niining dakbayan.
Una niini, nadala sa tambalanan ang biktima human magkadugo ang kinatawo human matud pa gilugos sa kainum niini nga construction worker.
Sumala pa nga miadto kini sa iyang kaila nga construction worker ug nakig-inum apan dihang mahubog na gilugos matud pa kini sa suspek.
Wala na maabtan pa sa kapulisan ang suspek sa lugar nga gitudlo sa biktima.
Pagkakaron hugot ang pakig-alayon sa Makar PNP sa mga kabanay sa biktima alang sa pag-ila og pagkasikop sa suspek.
