Malampuson nga nakumpleto sa Armed Forces of the Philippines ang rotation og resupply mission sa BRP Sierra Madre sa Ayungin shoal sa miaging Huwebes, Setyembre 26 nga walay pagharang gikan sa mga barko sa China sa lugar.
Sa usa ka statement, gibutyag ni AFP spokesperson Col. Francel Margareth Padilla nga anaa sa walo ka mga barko sa China ang nakit-an sa bisinidad sa shoal apan wala nagpakita og mga bahad sa resupply mission sa Pilipinas.
Nahimo usab nga makumpleto kini og napabilin ang presensiya sa Ayungin.
Sa gipaambit nga video sa AFP, makita ang MV Lapu-Lapu nga paduol sa BRP Sierra Madre atol sa resupply mission.
Kahinumduman nga nakaangkon og bag-ong kasabotan o arrangement ang Pilipinas og China niadtong Hulyo aron malikayan ang tensiyon sa Ayungin shoal.
