Daghan ang naghinam hinam luyo nga pipila ka oras ipagawas na ang resulta sa Bar exam karong adlawa sa Korte Suprema human gianunsyo nga ipagawas ang 2024 online Bar examinations.
Ipaskil kini sa main building courtyard sa Padre Faura Street sa Ermita, Manila i-upload sa official website ug official social media accounts sa Korte Suprema.
Apil sa ipagawas ang livestream links ug QR codes sa resulta sa exam pinaagi sa youtbe ug facebook sa official website ug official communication channels sa korte.
Giabisuhan usab sa korte ang publiko nga ang notices ug issuances nga imantala sa ilang official website ug verified social media accounts ang angayan nga ikonsidera nga tinuod ug tama ang datos tungod sa sensitibong matang sa impormasyon may kalabutan ang exam results.
Samtang pagkahuman nga mapagawas ang resulta sa bar exam gibutyag ni SC Associate Justice Mario V. Lopez, chairperson sa SC’s committee on Bar examinations nga ianunsiyo pagkahuman ang petsa sa oath taking sa mga bag-ong abogado ug ang pagpirma sa roll of attorneys.
Kahinumduman nga kinatibuk-ang 10,483 examinees ang mikuha sa exam sa unang adlaw sa 3-day exam nga gipahigayon kaniadtong Setyembre 8 nga gisundan kaniadtong Setyembre 11 ug 15.
Gipahigayon ang bar exam sa trese ka local testing centers sa managlahi nga lugar sa nasud.
