GENSAN – Walay problema nga moabot sa kadalanan kon ang tanang motorista musunod sa balaod trapiko.
Matud ni PLTCOL Patrich Elma, hepe sa Traffic Enforcement Unit sa General Santos City, giawhag niya ang tanang drayber nga likayan ang pasaway nga pamatasan aron malikayan ang aksidente ug uban pang problema sa trapiko.
Gipasabot ni Elma nga ang road safety usa ka shared responsibility ug dili lamang obligasyon sa mga traffic enforcer, kundili sa tanan nga nagagamit sa dalan.
Pinaagi sa disiplina ug striktong pagsunod sa balaod trapiko, masiguro nga malikayan ang aksidente ug mapanalipdan ang kinabuhi sa kaugalingon ug sa uban pang motorista.
Dugang pa, iyang gihingusgan na ang kahinungdanon sa pagtaas sa pasensya isip usa ka driver aron malikayan ang road rage ug mga disgrasya. Girekomenda usab niya nga pirmi susihon ang kahimtang sa brake, suga, battery, seat belt, ug helmet sa dili pa mobiyahe.
Gitambagan usab ang publiko nga likayan ang pagdrayb kon anaa sa impluwensya sa alkohol o ubang makahubog nga ilimnon aron masiguro ang kaluwasan sa tanan.
Pinaagi sa responsableng pamatasan sa kadalanan, matabangan ang komunidad nga malikayan ang disgrasya ug mapalig-on ang kahapsay sa trapiko sa dakbayan.
