GENERAL SANTOS CITY – Mas gustohon sa mga residente dili lamang taga syudad nga mamalit ug gulay ug prutas sa bagsakan o City Food Terminal.
Kini tungod dili mahilasan ang pagpamalit sa nahisgutang mga produkto luyo nga nagkaanindot na ang palibut sa maong lugar human naglapad ug nagpadako ug espasyo .
Usa usab sa rason nga mas barato ang presyo sa naasoy nga lugar kumpara sa mga grocery store nga adlaw na kung mangabli samtang taas usab ang presyo sa ilang palaliton.
Kini human gibisita ni Gensan Mayor Lorelie Pacquiao ang Food Terminal kuyog silang City Administrator Franklin Gacal Jr, Agri Head Merlinda Donasco, Executive Assistant Jake Reyes, City Councilor Dominador Lagare Jr. ug ang taga Cooperative Development Authority.
Kini aron makita sa Mayor ang mga kalambu-an human gipadako ug gipalapad ang ilang negosyo ug makita ang mga produkto nga gitumod sa lugar.
Kahigayunan usab kini sa pagpresenta sa City Cooperative Development Council ngadto sa Mayor ang pagpadagan sa kooperatiba aron padaghanon ang ilang membership.
Nasuta nga dinhi sa syudad gihimo nga laray sa prutas ug gulay ang Santiago Boulevard matag gabii.
