Suspendido usa ang rescue operation nga gipahigayon karun sa mga apektadong lugar sa natigayong linog tungod sa pag-ulan nga nasinatian.
Samtang nagpabiling anaa sa 22 ang kumpirmadong namatay ug usa ka tao ang gi-report nga missing human sa kusog nga linog nga miigo sa General Santos City niadtong Hunyo 8, 2026, sumala sa disaster monitoring board.
Ang siyudad nagpabilin ubos sa mga operasyon sa pagbangon ug pagtabang sa mga apektadong residente. Sa datos hangtod alas-8 sa buntag sa Hunyo 14, 2026, adunay 67 ka mga nasamdan nga gi-admit sa ospital ug 439 ka mga nasamdan nga wala ma-admit.
Gibanabana usab nga 73,637 ka pamilya ang naapektuhan sa maong kalamidad. Ang mga responder nagpadayon usab sa demobilization ug clearing operations sa mga lugar nga grabeng naapektuhan.
Nanawagan ang mga lokal nga opisyal sa publiko nga magpabiling alerto tungod sa posibilidad sa mga aftershock ug mosunod sa mga advisories sa mga awtoridad alang sa ilang kaluwasan.
