Bisan si Davao City 1st District Congressman Paolo ‘Pulong’ Duterte walay ideya kung unsa nga balay sa iyang amahan ang nabaligya o kaha ibaligyaay pa.
Kini human nag-viral ang Facebook post nga ibaligya matud pa ang balay sa kanhi pangulo, pila ka bulan human kini nabilanggo sa detention facility sa International Criminal Court kon ICC sa The Hague, Netherlands.
Sa iyang pag-atubang sa mga Filipino gawas sa ICC, giklaro ni Congressman Pulong nga walay ideya ang iyang amahan kung nahalin na ba ang iyang balay sa may Doña Luisa sa Davao City.
Dili matud pa siya gustong ibaligya kini tungod kay mao kini ang iyang unang natukod nga balay ug dihang iyang gikuti-kuti ang titulo niini, nasuta nga nakapangalan matud pa kini sa iyang lawful wife nga si Honeylet Avanceña rason nga kung nabaligya na kini, wala na matud pa siyay mahimo.
Tungod niini, misaad matud pa ang ilang inahan nga si Elizabeth nga kung makagawas na kini sa bilangguan, mahimo kining mupuyo og balik sa ilang pinuy-anan o kaha bisan asa kanilang iyang mga anak.
