Hugtanong gipanghimakak ni Davao City 1st District Rep. Paolo Duterte nga kaila niya si kanhi Bureau of Customs (BOC) intelligence officer Jimmy Guban nga naglambigit sa iyang pangalan kabahin sa nawala nga shabu shipment nga nakabutang sa magnetic lifters.
Sa pahayag nga gipagawas sa opisyal nga dili kaila si Guban og tingali wala usab siya nailhan niini.
Wala kini nakit-ang rason nga baharan si Guban tungod bisan kanus-a, wala nag-kuros ang ilang dalan.
Sa gihimong quad-committee hearing, gibutyag ni Guban nga nagpadala og dakop si kanhi Environment Undersecretary Benny Antiporda og gibaharan nga adunay mahitabong dautan kaniya kung ilambigit si Duterte, ang bayaw niini nga si Atty. Manases Carpio og bisan ang negosyanteng si Michael Yang nga gitudlong nalambigit sa iligal nga drug shipment kaniadtong 2018.
