GENERAL SANTOS CITY – Gibutyag ni Engr. Ginalyn Fe C. Cachuela, Project Manager-SOCSKSARGEN Area Development Project Office kon ADPO nga padayon karon ang construction sa GenSan International Airport.
Matud pa ni Cachuela nga ang passenger terminal building ang anaa pa lang sa 9% ang accomplishment gumikan complicated ang construction method.
Apan ang expansion sa apron space ang anaa sa 48% na nga nahuman kung asa padayon ang operasyon.
Gikadugang pa niini nga mahuman ang konstruksyon sa June 2019 base sa schedule.
Apan iyang gihingusgan nga may mga adjustments gumikan sa kausaban og sa variation sa on-going construction.
Ang Department of Transportation kon DOTr ang nag-aproba og kapin sa P1 billion alang sa pagpalambo sa GenSan ilawom sa budget sa DOTr sa calendar year 2015.
