Gipadayag ni City Administrator Shandee Llido Pestaño nga dili tugotan sa lokal nga kagamhanan ang pagdemolish sa palengke kon wala pa’y klarong relocation site alang sa mga apektadong manininda.
Sumala sa plano sa syudad, himuon nga temporaryong baligyaan ang usa ka lane sa P. Acharon Boulevard, Santiago Boulevard, ug ang dapit sa Cagampang Street aron masiguro nga adunay mapadulngan ang mga stall owners samtang ginahimo ang proyekto.
Gipasabot usab ni Pestaño nga libre ang monthly rental sa maong relocation site, apan kinahanglan gihapon nga magpadayon ang mga negosyante sa pagkuha og business permit. Dugang pa, sila gihapon ang mobayad sa ilang konsumo sa kuryente ug tubig.
Ang maong lakang gitumong aron maprotektahan ang panginabuhian sa mga manininda samtang ginapadayon ang kaayohan ug kauswagan sa palengke.
