GENERAL SANTOS CITY- Padayon gihapon ang gidaghanon sa mga reklamante sa buhatan sa Traffic Enforcement Unit (TEU) Gensan kalabutan sa overpricing nga pamasahe na gina singil sa ubang draybers niining dakbyan.
Matud kang P/Major Oliver Pauya, labaw sa maong buhatan nga kasagaran sa mga biktima sa sobra nga pagpaningil ang mga estudyante, senior citizens ug ang mga trabahante.
Tungod niini nagbahad ang opisyal nga ilahang pangdakpon ang tanan nga drayber nga madakpan nga nagapaningil ug sobra sa mga pasahero.
Dugang pa niini nga gikinahanglan nga maka sabot ang mga tricycle draybers nga adunay mga pasaherop nga tama ra ang kwarta nga dala ug ang budget nga gastuhon sa isa ka adlaw.
Gihingusgan usab niini nga dili maka sulti ang mga drayber nga lugi sila tungod mas ubos na ang presyo sa gasolina kung itandi sa panahon sa pandemya.
