Gikasuhan sa Quezon City Police District (QCPD) og inciting to sedition ang usa ka pulis nga nag-viral online tungod sa iyang partisan remarks human ang pagsikop kay kanhi Pangulong Rodrigo Duterte.
Gilapas matod pa sa pulis nga si Patrolman Francis Steve Tallion Fontillas ang Article 142 sa Revised Penal Code in relation to the Cybercrime Prevention Act of 2012.
Sa una nga mga video post ni Fontillas, iyang gikuwestyon ang pagbawal sa ilang mga pulis nga magpost, mag-share og magkomento kalabotan sa pagsikop sa kanhi Pangulo.
Gibanatan usab niya ang mga tag-as nga opisyal sa Philippine National Police (PNP) partikular na si General Nicolas Torre III og Pangulong Ferdinand Marcos Jr.
Sumala sa Philippine National Police, nadestino si Fontillas sa District Personnel and Holding Admin Section sugod sa Pebrero 20, 2025 apan kini ang nag-AWOL o absent without official leave sugod niadtong Marso 6.
Sa iyaha usab nga gipaambit nga post sa FB, gikuwestyon ni Patrolman Fontillas ang reklamong gipasaka batok kaniya og gihingusgan nga gipasibaw lamang niya ang iyang baruganan og mga prinsipyo.
Giklaro usab niya ang akusasyon nga nag-AWOL kini pinaagi sa pag-post sa kopya sa iyang application para sa 10 araw nga leave gikan March 6 hangtod 9 nga iyang gisumite niadtong Marso 5 kung anaa pa niadto ang iyang asawa.
Giaprubahan matod pa kini ug gipirmahan sa ilang chief administrator.
