-- ADVERTISEMENT --
Gisugdan na ang rehabilitation ug revetment works sa Silway River sa Barangay Apopong, ning syudad sa Heneral Santos human kini nadaot tungod sa kusog nga pagbaha.
Ang maong proyekto gitumong aron mapalig-on pag-usab ang bahin sa pangpang sa suba, mapugngan ang pagbanlas sa yuta, ug mapanalipdan ang mga komunidad ug imprastraktura nga duol sa daplin sa suba batok sa posibleng umaabot nga pagbaha.
Gisusi ug giatiman sa mga awtoridad ang kahimtang sa maong lugar human sa kadaot nga nahitabo tungod sa kusog nga bul-og sa tubig panahon sa miaging mga pag-ulan.
Ang revetment mao ang proteksyon o lig-on nga tabon sa kilid sa suba, baybayon, o bakilid aron mapugngan ang pagkahugno sa yuta tungod sa kusog nga agas sa tubig, balod, o baha.
