Target karon sa Department of Public Works and Highways (DPWH) nga masugdan na ang rehabilitasyon sa mga naguba nga edipisyo ug imprastraktura sa Sugbo human sa magnitude 6.9 nga linog karong Lunes.
Matod ni DPWH Secretary Vince Dizon, sugdan na karong semanaha ang permanenteng pag-ayo sa mga imprastraktura.
Matod niya nga gibana-banang P2.5 bilyones ang gigahin alang sa kadaot sa mga karsada ug taytayan ug wala pay labot niini ang kinatibuk-ang gasto sa nangaguba nga mga tunghaan ug tambalanan sa probinsiya.
Iyang gipasabot nga kini maoy hinungdan nganong posibleng mosaka ang kantidad sa danyos nga matala sa umaabot nga mga adlaw.
Samtang, sumala sa National Disaster Risk Reduction and Management Council (NDRRMC), 713 ka mga imprastraktura ang nangaguba sa Central Visayas dugang pa sa 18,154 ka mga panimalay sa rehiyon.
