GENSAN – Gamay pa lang ang mga taga-GenSan nga nagpalista aron mag-Haj sa Saudi Arabia.
Matud pa ni Atty Guialil Kanda ang field director sa National Commission on Muslim Filipinos kon NCMF, kini luyo nga sa Abril 13 na ang deadline sa registration.
Gikabutyag nga gumikan kini wala pa napirmahan tali sa Pilipinas ug Saudi ang kontrata nga kalabutan sa bayad sa mga pilgrims gawas na lang sa hotel accommodations ug transportation nga pagtinir sulod sa usa ka bulan.
Gibutyag nga anaa sa 1,948 dollars o kapin sa P101,000 ang kantidad niini wala pay labot ang pamasahe sa eroplano.
Hinuon, posibleng malugwayan ang maong deadline tungod sa problema.
Kahibaluan nga problema gihapon ang passport ug laing mga dokomento gumikan sa maong kontrata.
Dugang pa ni Atty Kanda nga angayang dili muubos sa 6,000 ang mga pilgrims gikan sa Pilipinas nga magsugod sa pag-adto sa Saudi sa bulan sa Hulyo.
