Regional Prosecutor nagpahimangno nga ipatuman ang Department circular no. 20 isip paglig-on sa mga kaso aron nga dili mabasura pag abot sa korte

GENERAL SANTOS CITY – Nagpagawas ug pahayag si Regional Prosecutor Rohaira Lao, nga ipatuman ang Department circular no. 20 nga hatagan ug giya ang mga otoridad sa pagpahigayon ug “case build up” ug pag palig-on niini sa mga kaso aron nga dili mabasura pag abot sa korte gumikan kini ang nahimong kamanduan sa Department of Jusice.

Usa sa mga gipunting sa nasangpit nga pagbansay mao ang may kalabutan sa mga kaso nga naglambigit sa Capital Offense nga adunay silot nga reclusion perpetua o tibook kinabuhi nga pagka bilanggo.