GENERAL SANTOS CITY – Gikonsidera sa Police Regional Office (PRO) 12 nga pulihan og gatusan ka mga sakop sa 1201st Regional Mobile Action Force Battalion Force (RMAF) 12 ang mga sakop sa Sarangani Provincial Police Office nga gabantay sa border sa Malungon Sarangani Province.
Kini ang gipadangat ni RMAF 12 deputy commander, P/Lt. Col. Alvin Martin atol sa iyang pakigkita kang Mayor Maria Theresa Constantino.
Matud pa nga ang border sa Region 12 og sa Davao Region ang angayang bantayan sa sakop sa regional command og dili sa provincial command.
Hangyo sa maong mayor nga hatagan sila og strategic location nga magsilbi isip company-wide command base post.
Gumikan sa presensya sa Regional Mobile Action Force Battalion mas madugangan ang pwersa nga gabantay kauban ang 1002nd Infantry Brigade og laing mga force multipliers.
