GENERAL SANTOS CITY – Nanawagan si Executive Master Sergeant Jonathan Lopez sa Regional Anti-Cybercrime Unit sa mga posible nga biktima sa usa ka scammer nga ilang nasikop.
Kini human naaresto ang nagpangalan ug Ryan Jay Sales alyas Jepoy, 30 anyos, estudyante nga residente sa Purok 2 Extension, Lanton. Brgy. Apopong sa kaso nga illegal access sa RA 10175 ukon Cybercrime Prevention Act of 2012.
Gisaysay niini nga nakaabut sila sa Palembang, Sultan Kudarat sa pagpangita sa nahisgutan nga gitudlong responsable sa pagpang hack ug facebook account.
Niining nakalabay nga adlaw nakadawat matud pa ug impormasyon ang ilang buhatan nga si Jepoy nakita hinungdan nga nagmugna ug special team nga nagresulta sa pagkasikop sa top 3 most wanted sa RACU.
Gikadugang ni Lopez nga walay ginasanto ang suspek kay mismong apuhan niini ang iyang gibiktima.
Nagduda pa ang kapulisan nga ania lamang sa Syudad ang mga kauban sa suspek luyo nga nagpadayon ang ilang pagpaniid aron masikop usab ang mga nahisgutan.
Ang suspek ang mabuhi-an sa kustudiya sa kapulisan kung makabayad sa P120,000 nga piyansa .
