GENERAL SANTOS CITY – Hangtud sa karon padayon ang pagpadala sa Region 12 sa specimen alang sa COVID 19 sa Southern Philippines Medical Center (SPMC) sa Davao City.
Matud pa kang Arjohn Gangoso ang tigpamaba sa Department of Health (DOH) 12 nga luyo kini sa upat ka laboratoryo nga nahimutang sa rehiyon.
Ang upat ka COVID laboratory sa Region mao ang Dr. Royeca Hospital og St. Elizabeth Hospital sa GenSan ingon usab ang Cotabato Regional Medical Center sa Cotabato City og Dr. Pingoy Medical Center sa Koronadal City.
Dili makaya ang gidaghanon sa mga specimen hinungdan nga gipadala pa sa Davao City.
Mas midaghan pa ang mga specimen nga gipadala tungod daghang mga lugar na sa rehiyon ang adunay local transmission.
Samtang adunay laing duha ka ospital sa Region 12 ang may aplikasyon sa DOH nga makaangkon og laboratoryo.
Kini mao ang Mlang District Hospital og Kidapawan Doctors Hospital nga pulos gikan sa Cotabato Province.
