GENERAL SANTOS CITY – Record breaking ang kaso sa COVID 19 nga anaa sa 213 ang natala sa region 12 kagahapong adlawa base sa labing ulahing report sa DOH – Center for Health Development Soccsksargen Region.
Matud pa nga usa ka gatus ang mga nakarecover og tulo ang bag-ong patay nga ang duha ang gikan sa GenSan og usa ang residente sa Palimbang, Sultan Kudarat.
Sa 213 nga bag-ong kaso sa COVID 19 anaa sa 77 ang gikan sa South Cotabato kung asa 54 gikan sa Koronadal City.
Samtang 56 ang gikan sa Sarangani kung asa 29 gikan sa Maitum, 13 sa Alabel, 12 sa Kiamba og duha sa Malapatan.
Nasayran nga 52 ang gikan sa Sultan Kudarat, 17 sa Lambayong samtang 15 sa Isulan og uban pa.
Matud pa nga 16 ang gikan sa GenSan og 12 sa Cotabato Province. Tungod niini gapanguna na ang South Cotabato sa Region 12 nga may daghang kaso sa COVID 19 nga anaa sa 2,996, samtang 584 ang active cases og 72 ang patay.
Ang GenSan adunay 2,958 ang kaso sa COVID 19 kung asa 345 ang active cases og 103 ang patay.
Sa North Cotabato natala ang 1,535 ka kaso, 277 ang active cases og 84 ang nagtaliwan.
Sa Sarangani adunay 973 ka kaso, 216 ang active cases og 18 ang nakabsan sa kinabuhi.
Sa Sultan Kudarat adunay 936 ka kaso, 118 ang active cases og 24 ang patay. Sa katibuk-an adunay 9,398 ang COVID-19 confirmed cases sa SOCCSKSARGEN region 1,540 (16.39%) ang active cases, 7,555 (80.39%) ang recoveries og 301 (3.20%) ang COVID19 related deaths.
