GENERAL SANTOS CITY – Mukabat sa 132 ang kaso sa COVID 19 nga natala sa Region 12 base sa labing ulahing report gikan sa DOH – Center for Health Development Soccsksargen Region.
Gikumpirma usab sa maong ahensya nga 54 ang bag-ong recoveries samtang duha ang bag-ong namatay tungod sa COVID 19 nga 49 og 79 years old nga pulos babaye.
Sa 132 bag-ong nagpositibo sa sakit, 20 sa North Cotabato, 65 sa Gensan, 34 sa South Cotabato og 13 sa Sultan Kudarat.
Samtang anaa sa 3,023 na ang kaso sa COVID 19 sa GenSan, 401 ang active cases og 105 ang patay.
Sa South Cotabato adunay 3,030 ka kaso, 583 ang active cases og 72 ang nagtaliwan. Sa Cotabato Province adunay 1,555 ka kaso, 297 ang active cases og 84 ang patay.
Sa Sarangani Province adunay 973 ang kaso, 216 ang active cases og 18 ang nakabsan sa kinabuhi.
Sa Sultan Kudarat adunay 949 ka kaso, 119 ang active cases og 24 ang patay.
Sa katibuk-an mukabat na sa 9,530 ang COVID-19 confirmed cases sa SOCCSKSARGEN, Anaa sa 1,616 (16.96%) ang active cases, 7,609 (79.84%) ang recoveries og 303 ang (3.18%) COVID-19 related deaths.
