GENERAL SANTOS CITY – Kapin gatus na usab ang bag-ong kaso sa COVID 19 sa region 12 human nga adunay 126 nga natala nga bag-ong nagpositibo sa sakit base sa labing ulahing report sa DOH – Center for Health Development Soccsksargen Region.
Nasayran nga anaa sa 112 ang bag-ong recoveries og duha ang patay nga usa ka 79 years old nga lalaki og 96 anyos nga babaye.
Sa 126 ka bag-ong kaso sa COVID 19 anaa sa 56 ang natala sa GenSan, 3 sa Sultan kudarat, 11 sa Cotabato Province, 6 sa Sarangani og 50 sa South Cotabato.
Gumikan niini anaa sa 2,934 ang kaso sa COVID 19 sa GenSan, 383 ang active cases og 100 ang patay.
Ang South Cotabato adunay, 2,877 ang kaso samtang 538 ang active cases og 72 ang mitaliwan.
Ang North Cotabato ang may 1,506 ka kaso, 294 ang active cases og 84 ang patay. Samtang anaa sa 874 ang kaso sa COVID 19 sa Sultan Kudarat, 68 ang active cases og 22 ang patay.
Ang Sarangani ang may 897 ka kaso, 169 ang active cases og 18 ang patay.
Sa katibuk-an anaa sa 9,088 ang COVID-19 confirmed cases sa SOCCSKSARGEN region. Anaa sa 1,452 (15.98%) ang active cases, 7,338 (80.74%) ang recoveries og 296 (3.26%) COVID-19 related deaths.
