GENERAL SANTOS CITY – Mukabat sa 120 ang bag-ong kaso sa COVID 19 sa Region 12 base sa labing ulahing report sa DOH – Center for Health Development Soccsksargen Region.
Gibutyag nga 66 ang bag-o nga nakarekober og upat ang COVID 19 related deaths kung asa tulo ang taga Cotabato Province og usa ang taga South Cotabato.
Sa 120 ka bag-ong kaso ang 51 ang residente sa South Cotabato, 32 sa North Cotabato , 21 sa Sarangani, 15 sa GenSan og usa sa Sultan Kudarat. Gumikan niini anaa sa 2,714 ang kaso sa COVID 19 sa GenSan, 254 ang active cases og 97 ang patay.
Ang South Cotabato ang may 2,635 ang kaso, 480 ang active cases og 64 ang nakabsan sa kinabuhi.
Ang North Cotabato ang may 1,412 nga kaso, 250 ang active cases og 78 ang patay.
Ang Sarangani ang may 873 ka kaso, 205 ang active cases og 18 ang patay.
Ang Sultan Kudarat ang may 831 ka kaso, 64 ang active cases og 20 ang patay. Sa katibuk-an may 8,465 COVID-19 ang confirmed cases sa Region 12 kung asa 1,253 (14.80%) ang active cases, 6,933 (81.90%) ang recoveries og 277 (3.27%) ang COVID-19 related deaths.
