GENERAL SANTOS CITY – Mukabat sa 416 ang bagong kaso sa COVID 19 nga natala sa Region 12 base sa labing ulahing report sa DOH – Center for Health Development Soccsksargen Region.
Nasuta usab ng 356 ang bag-ong recoveries og 10 ang patay. Sa mga namatay tulo ang gikan sa Matalam, North Cotabato, duha sa GenSan, tag usa sa Lake Sebu, South Cotabato, Alamada, North Cotabato, Tacurong City, T’boli, South Cotabato, og Lebak, Sultan Kudarat.
Sa mga bag-ong nagpositibo 144 gikan sa South Cotabato , 112 sa North Cotabato, 64 sa GenSan og 64 usab gikan sa Sarangani.
Ang South Cotabato ang may labing daghang kaso sa COVID 19 sa rehiyon nga mukabat sa 6,002 samtang 1,507 ang active cases og 133 ang patay.
Ang GenSan ang may 4,875 ka kaso, 566 ang active cases og 154 ang nakabsan sa kinabuhi. Ang North Cotabato ang may 3,066 ka kaso, 880 ang active cases og 138 ang nagtaliwan. Ang Sultan Kudarat ang may 2,069 ka kaso, 339 ang active cases og 54 ang patay.
Sa Sarangani ang may 1,902 ka kaso, 416 ang active cases og 29 ang patay.
Sa katibuk-an adunay 17,914 COVID-19 confirmed cases sa SOCCSKSARGEN region. 3,708 (20.70%) ang active cases, 13,696 (76.45%) ang recoveries og 508 (2.84%) ang COVID-19 related deaths.
