GENERAL SANTOS CITY – Pito ka bag-ong kaso sa COVID 19 ang natala sa Region 12 base sa labing ulahing report gikan sa DOH – Center for Health Development Soccsksargen Region.
Sa nasampit nga ihap upat sa GenSan, duha sa Cotabato Province og usa sa ALABEL Sarangani.
Mitala usab sa 32 ang recoveries og walay namatay. Gumikan niini anaa sa 2,086 ang kaso sa COVID 19 sa GenSan, 70 ang active cases og 83 ang patay.
Sa South Cotabato adunay 1,655 ka kaso, 34 ang activce cases og 47 ang mitaliwan. Sa North Cotabato adunay 902 ka kaso, 36 ang active cases og 48 ang nakabsan sa kinabuhi.
Sa Sultan Kudarat adunay 588 ka kaso, napulo ang active cases og 17 ang patay.
Sa Sarangani adunay 578 ka kaso, 19 ang active cases og 18 ang patay.
Sa katibuk-an adunay 5,809 ang COVID-19 confirmed cases sa Region 12 kung asa 169 (2.91%) ang active cases, 5,425 (93.39%) ang recoveries og 213 (3.67%) ang COVID-19 related deaths.
