GENERAL SANTOS CITY – Kinse ka dugang kaso sa COVID 19 ang natala sa Rehiyon 12 base sa labing ulahing report sa DOH – Center for Health Development Soccsksargen Region.
Gibutyag usab nga 30 ang bag-ong nakarekober og usa ang namatay nga taga Koronadal City.
Samtang lima ka kaso sa COVID 19 ang natala sa Sarangani nga ang tanan gikan sa Alabel, tig lima usab ang gikan sa Cotabato Province og GenSan samtang usa sa South Cotabato.
Sa pagkakaron anaa sa 1,989 ang kaso sa COVID 19 sa syudad kung asa 130 ang active cases og 78 ang patay.
Ang South Cotabato adunay 1,617 ka kaso, 175 ang active cases og 46 ang nakabsan sa kinabuhi.
Ang Cotabato Province ang may 869 ka kaso, 83 ang active cases og 41 ang patay.
Ang Sultan Kudarat ang may 574 ka kaso, 25 ang active cases og 17 ang patay. Ang Sarangani ang may 557 ka kaso, 17 ang active cases og 18 ang patay.
Sa kinatibuk-an adunay 5,606 ang COVID-19 confirmed cases sa Region 12, 430 (7.67%) ang active cases, 4,974 (88.73%) ang recoveries og 200 (3.57%) ang COVID-19 related deaths.
