GENERAL SANTOS CITY – Trayntay 34 ka bag-ong kaso sa COVID 19 ang natala sa Region 12 base sa labing ulahing data nga gipagawas sa DOH – Center for Health Development Soccsksargen Region.
Sa nasampit nga ihap siyam ang gikan sa GenSan samtang upat sa Glan og duha sa Malapatan, Sarangani Province.
Nasuta nga usa gikan sa Lebak, Sultan Kudarat, upat sa North Cotabato, pito sa Cotabato City og pito usab gikan sa Koronadal City.
Sa pagkakaron ang GenSan ang nagpabiling gapanguna nga may labing daghang kaso sa COVID 19 nga mukabat sa 982, samtang 163 ang active cases og 40 ang patay.
Ang South Cotabato anaa sa 918 ang kaso sa COVID 19, kung asa 208 ang active cases og 16 ang nakabsan sa kinabuhi. Ang ikatulo nga pwesto ang Cotabato City nga 788 ang kaso, 160 ang active cases og 29 ang patay.
Ang Sarangani may 333 ang kaso sa corona virus samtang 74 ang active cases og 11 ang patay.
Ang North Cotabato may 271 ang kaso samtang 44 ang active cases og 10 ang patay.
Ang ikaunom nga pwesto ang Sultan Kudarat nga may 193 nga kaso samtang 11 ang active cases og walo ang patay.
Sa katibuk-an anaa sa 3,485 ang kaso sa COVID 19 sa Rehiyon 12 kung asa 655 ang active cases, 114 ang patay og 2,715 ang nakarekober
