GENERAL SANTOS CITY – Gipaklaro ni Dr. Jett Oco sa City Health Office nga nagpabilin nga COVID-19 free ang Rehiyon 12.
Matud pa niini nga bisag Person Under Monitoring wala nay natala dinhi sa Rehiyon.
Sumala pa niini ang 14 ka Person Under Monitoring nahuman na sa ilang 14 ka adlaw nga quarantine nga pulos nagnegatibo sa covid-19.
Pagbutyag sa nasampit nga opisyal nga adunay usa ka langyaw nga gituohang PUI nga gikan sa nasud nga apektado sa COVID-19 apan human matud pa sa pagsuta nga gipahigayon dili na makunsidera nga PUI ang maong langyaw tungod lahi ang gibati sa nasampit.
Pagpaklaro ni Dr. Oco nga bisan pa man nga nagnegatibo ang maung tawo apan angayang dili gayud magkumpiyansa tungod dili ti-aw ang padayon nga pagkaylap sa sakit nga virus.
