GENERAL SANTOS CITY – Mukabat na sa 12 ka mga variant sa Coronavirus disease infection ang natala sa Region 12.
Matud ni Arjohn Ganggoso, tigpamaba sa Department of Health (DOH) 12 nga ang mga nasampit ang natakbuyan sa UK variant, African variant og Brazil variant sa COVID 19.
Giklaro niini, kasagaran ang gikan sa gawas sa nasud og dihang nakauli sa Metro Manila ayha pa na-detect nga nagpositibo sa bag-ong variant sa maong sakit.
Apan giklaro ni Gangoso nga una pa nakauli sa Gensan, nagnegatibo na ang mga nasampit.
Gidugang pa niini, nga ang ubang pasyente ang gikan sa rehiyon dose og pag-adto sa Metro Manila didto na nataptan sa bag-ong variant sa COVID 19 human sa pipila ka adlaw o semana nga pagtinir sa lugar.
Nasayran nga sa GenSan tulo ang kaso sa B.1.1.7 variant.
