-- ADVERTISEMENT --
GENERAL SANTOS CITY – Electrical short circuit ang migawas sa imbestigasyon sa Bureau of Fire Protection GenSan sa posible nga hinungdan sa sunog sa usa ka refrigerated container van sa GenSan Fishport kagahapon.
Matud pa ni SFO3 Allan Rey Imperio unod sa container van ang mga karton nga gidali sa mga bombero og mga empleyado nga ipagawas hinungdan nga wala na midako ang sunog.
Kini human nga nabuslotan sa mga kabomberuhan ang container van og nabombahan ang sulod nga bahin.
Sa pagsusi sa BFP Gensan sa natigayong sunog , nasuta nga alas 2:00 sa hapon dihang nahitabo ang sunog.
Gikabutyag nga paandaron na unta sa technician ang container van apan kalit lang mitaas ang temperatura nga gisundan sa sunog.
-- ADVERTISEMENT --
