Redevelopment Project sa Queen Tuna Park dakong garbo sa syudad oras mahuman

GENERAL SANTOS CITY – Dili lamang sa ilang barangay apan sa tibook GenSan ang mahimo unyang kalambuan sa pagpaanindot sa Queen Tuna Park.

Kini ang gipasigarbo ni Kapitan Rock Garay sa Barangay Dadiangas South dihang gibutyag nga sa dili magdugay sugdan na ang konstruksyon sa maong lugar.

Matud pa niini, puhon mamahimong sentro ang Queen tuna park nga suruyan sa mga tawo. Sa maong proyekto, ang phase 1 pa lamang ang gigahinan na og pondo nga P21 million kung asa mga earthworks pa lamang ang himoon .

Apan dakong pondo pa ang kinahanglanon aron matuman ang katibuk-ang plano alang sa Queen Tuna Park.
Kahibaluan nga gipahigayon ang ground breaking sa miaging September 26, 2022.