GENERAL SANTOS CITY – Giklaro ni City PNP Director Senior Supt. Raul Supiter nga nagpabiling anaa sa red alert status ang siyudad, luyo sa nga nabiyahe na sa Kualuhan partikular sa Camp Bagong Diwa si Nasifa Pundog, misis sa matud pa Maute top leader nga si Abu Dar.
Ug gani, a pakighinabi sa Bombo Radyo, gibutyag sa labaw sa General Santos City Police Office nga kanunay niyang ginamonitor ang mga sakop niya aron masiguro nga wala nagkumpiyansa ang tanan ug dili luag ang pagbantay sa palibot, aron masiguro nga walay makalusot nga mga dautang elemento, ug dili makamugna ug unsa mang kasamok.
Kini hilabi pa nga ania pa sa nasud nabilanggo ang usa sa mga Pundog, samtang ang uban nga kanhi nilang nasikop ang nakapiyansa, gawas pa sa ubang personalidad o grupo nga ilang ginabantayan.
Kahibaluan nga gikasab-an ni S/Supt. Raul Supiter ang ubang sakop sa City Mobile Force gumikan wala nag-checkpoint.
Kini human nga naglog-in ang maong mga pulis sa General Santos City Police Office kon GSCPO nga magpahigayon ug checkpoint sa Palen, Labangal apan walay naabtan ang City PNP director sa dihang miadto sa area.
Gumikan niini nasuko pagmaayo ang maong opisyal og nadunggan sa ubang mga presinto gumikan gipaagi sa radio room ang kasaba.
