GENERAL SANTOS CITY –Padayong ginamonitor karon sa lokal nga panggamhanan sa Sarangani, katambabayong Environmental Conservation and Protectyion Center kon ECPC, ang mga migratory bird kon raptors nga nahidangat karon sa probinsya, partikular sa Raptor Hill sa Brgy Rio del Pilar sa Glan.
Kini human nga miabot sa 86,000 ka mga raptors ang nasiplatan sa probinsya, nga gikonsiderang record-breaking, itandi sa natala nga 78,817 miaging tuig.
Samtang 54,000 ka mga Chinese Sparrowhawks usab ang nakita miaging adlaw.
Nagsugod ang gipahigayong raptor migration study alang ning tuiga kaniadtong Setyembre 18, ug mulungtad hangtod Oktobre 31, kung asa gilaumang muapil sa team sa Sarangani ang Japanese Society for Conservation of Birds.
Matud kang Atty Emma Nebran, kanhing executive director sa ECPC, timailhan kini nga panahon na sa peak season.
