GENERAL SANTOS CITY – Nagpahinumdum ang Regional Civil Security Unit 12 sa mga mupalit ug pabuto alang sa pagsaulog sa Pasko nga mag-amping sa paliton nga produkto ug angayan mupalit sa mga negosyante nga may pagtugot gikan sa Department of Trade and Industry ug LGU.
Matud sa labaw sa RCSU 12 pinaagi ni Col. Narciso Bayugo nga adunay daghang pabuto nga wala magsubay sa standard hinungdan nagpagawas ug abiso sa publiko nga likayan ang nahisgutang produkto nga maghatag ug peligro hinungdan nga gibawal sa publiko.
Kini ang large size Judas belt, Goodbye Delima, Hello columbia, Goodbye Napoles, Super Yolanda, Mother rockets kwiton, Super lolo, Goodbye bading , Good bye Philippines, Kabasi, Kingkong, Goodbye tsismosa.
Gikadugang ni Col. Bayuga lakip ginabawal ang mga firecrackers nga sobra ang sukod ug timbang busa lakip kini sa ilang gimonitor.
Tungod niini ang mga masikop nga mugamit sa gibawal nga pabuto ang multahan ug P20,000 hangtud P30,000 ug pagkabilanggo ug unom ka bulan ngadto sa usa ka tuig.
Kahinumduman nga kagahapong adlawa giablihan na ang mga pwesto nga nagbaligya ug pabuto.
