GENERAL SANTOS CITY – Nag-shift na karon ang momentum sa serye pabor sa Golden State Warriors human midaog sa Game 2 sa NBA Finals nga natigayon sa balwarte sa kaatbang nga Toronto Raptors, sa Scotiabank Arena, sa Toronto, Ontario, Canada.
Kini ang gibutyag ni Fred Lumba, usa ka beteranong sports writer ug analyst, sa pakighinabi sa Bombo Radyo GenSan.
Sumala pa nga angayan karong pahimuslan sa Warriors ang momentum hilabi na nga nahimo nilang mapildi ang kaatbang sa homecourt niini luyo sa hugot nga depensa nga gihimo hilabi na kang Stephen Curry.
Mibilib matud pa si Lumba sa gipakita nga teamwork sa Golden State.
Sumala pa nga gipakita lamang nila nga kusgan gayud ang ilang team gumikan nahimong makadaog bisan ug wala si Durant.
Luyo nga mahinungdanon gayud unta sa Warriors si Durant nga pwede pa untang makadugang bisan ug dugang nalang nga 10 points sa team.
Apan matud kang Lumba, ang estratehiya sa ni Coach Steve Kerr, posible matud pang gipaningkamutan sa Warriors karon nga dili magpaapekto sa kawad-on ni Durant ug ipakita ang kanhi nilang kusog bisan kaniadtong wala pa kini sa ilang team.
