Miubos ang puwesto sa world ranking sa World Athletics ni Pinoy pole vaulter EJ Obiena.
Sa gipagawas nga ranking sa World Athltetics pipila ka adlaw human ang 2024 Paris Olympics, anaa sa ikatulong puwesto na kini.
Mas ubos kini og usa ka puwesto nga kanhi anaa sa ikaduha nga iyang gihuptan sukad pa kaniadtong Hulyo 2023.
Nag-una gihapon sa puwesto si Olympic gold medalist Armand Duplantis sa Sweden samtang ikaduha sa puwesto si Sam Kendricks sa US.
Ang pambato usab sa Greece nga si Emmanouil Karalis nga gikan sa kanhi ikawalo nga puwesto anaa sa ikaupat nga puwesto na kini human ang nasungkit niining bronze medal niadtong Olympics.
Base sa World Athletics rankings nga ginabase nila ang rankings pinaagi sa score sa performance nga gilangkoban sa duha ka primary components ang results score og ang puwesto sa competitions.
Kahinumduman nga natapos sa ikaupat nga puwesto si Obiena sa nangaging Paris Olympics.
