Gikumpirma ni Metropolitan Manila Development Authority (MMDA) General Manager Nicolas Torre III nga walay balidong permit ang ginahimong rally sa EDSA–People Power Monument nga nagsugod sayo pa karong Martes sa kaadlawon.
Una niini, liboan ka indibidwal ang nagtigom sa EDSA ug White Plains Avenue nga giingong nagpahayag og suporta kang Senador Rodante Marcoleta nga giandam pagsang-at og kasong plunder may kalabotan sa alegasyon nga undeclared campaign donations atol sa 2025 midterm elections.
Matod ni Torre, wala koordinasyon ug wala usab permit ang maong pagtigom.
Base sa crowd estimate alas-9:00 sa buntag, gi-report sa Quezon City Police District nga miabot na sa 9,000 ang gidaghanon sa mga raliyista sa maong lugar.
Samtang, nagpadayon usab ang laing pagtigom sa Liwasang Bonifacio sa Maynila diin sumala sa Manila Police, mokabat sa 400 ka tao ang nanambong.
