Rain or Shine sulod na sa ika unom nga puwesto human pildihon ang TNT 106-96

Nakuha sa Rain or Shine ang ika unom nga puwesto aron nga himgpit na nga makasulod sa playoffs saPBA 49th Commissioner’s Cup.

Kini human gipildi ang TNT 106-96 sa duwa nga gipahigayon sa PhilSports Arena sa Pasig City.

Matod ni Rain or Shine head coach Yeng Guiao nga labing dako nilang daog nga hingpit nga mawagtang.

Gipangulohan ni import Deon Thompson ang kadaugan sa Elasto Painters pinaagi sa iyang 22 puntos ug 16 ka rebounds, samtang nihatag og 21 puntos si Anton Asistio ug 20 puntos si Santi Santillan.

Ang Rain or Shine makigsangka sa number 3 Converge sa race-to-two quarterfinals.

Samtang ang TNT makigsangka sa Hong Kong Eastern sa unang hugna sa knockout stages.