Nangayo og manual recount ang gitanggong nga pastor ug kandidato sa pagka-senador nga si Apollo Quiboloy human kini ika-31 sa pinakaulahing tally sa Commission on Elections (COMELEC), nga adunay 5,577,812 ka boto.
Matod sa iyang legal counsel nga si Atty. Israelito Torreon, kini nga panawagan giaghat sa giingong mga taho sa mga iregularidad sama sa mga kalainan sa election returns, incompatible firmware versions, ug mga kaso sa overvoting.
Gitataw ni Torreon nga dili kini pagsupak sa proseso sa poll body kondili usa ka lakang aron mapalig-on ug masiguro ang tinuod nga tingog sa katawhan.
Nasayran nga si Quiboloy usa ka lider sa Kingdom of Jesus Christ ministry nga kasamtangang gipriso samtang nag-atubang og kasong child and sexual abuse ug human trafficking sa Pilipinas ug Estados Unidos.
