GENERAL SANTOS CITY- Walay pagtugot ang syudad aron makapangaligo ang mga tawo sa Queen Tuna Park tungod hilabihan ka taas ang fecal coliform sa dagat.
Kini ang nahimong pagpaklaro ni Allan Marcella ang labaw sa City Environment and Natural Resources Office (CENRO) nga nakatutok sa lugar.
Matud niini nga nga sirado gihapon sa publiko ang lugar apan niining nakalabay nga semana nanaghan ang mga tawo nga nangaligo sa lugar hilabi pa kung adlaw nga Sabado ug Domingo.
Gikadugang pa ni Marcella nga siya mismo ang gapangutana sa mga tawo nga naligo sa lugar kung adunay gibate sa lawas human naligo sa lugar.
Gikumpirma niini nga guba pagka karon pasilidad sa syudad nga gasala sa tubig gikan sa merkado una makaabut sa dagat hinungdan nga mitaas pagbalik ang sukod sa bacteria.
Hinuon paningkamutan matud pa sa ilang buhatan nga magbutang ug pahibalo aron hingpit masayran sa publiko nga gidili ang pagkaligo sa lugar tungod sa peligro nga dala niini.
Ang Queen Tuna ark ang takda nga paaninduton sa syudad human gigahinan og P22M nga pondo.
