Pumanaw na ang isa sa mga tinitingalang royal family members ng Thailand na si Queen Mother Sirikit sa edad na 93.
Ayon sa opisyal na pahayag mula sa Royal Household Bureau, si Sirikit, ina ni King Maha Vajiralongkorn, ay namatay noong Oktubre 23, 2025 sa Siriraj Hospital sa Bangkok.
Kilala si Sirikit bilang isa sa pinakamatagal na nagsilbing consort sa kasaysayan ng Thailand, at naging mahalagang tagapagtaguyod ng sining, kultura, at kapakanan ng mga kababaihan sa bansa.
Naging reyna siya noong 1950 matapos ang kasal kay King Bhumibol Adulyadej, at nagsilbing Queen Regent noong 1956.
Sa panahon ng kanyang pamumuno, aktibo siyang lumahok sa mga gawaing pangkomunidad at internasyonal na representasyon ng monarkiya.
Inaasahan ang pambansang pagluluksa at mga seremonyang paggunita sa kanyang buhay at serbisyo.
Nagpahayag ng pakikiramay ang mga lider at mamamayan sa Thailand bilang paggalang sa kanyang naiambag sa bansa.
