Gipasabot ni Quezon City 2nd District Representative Ralph Tulfo ang iyang pagpahigayon og bongga nga party sa Las Vegas, Nevada.
Matod niya nga ang maong video nga nag-viral gikan pa sa tuig 2023.
Giklaro ni Tulfo nga walay kwarta sa publiko nga gigamit alang sa bongga nga party ug gigamit hinuon ang kaugalingong kwarta.
Matod niya nga gawas sa panahon sa Pasko ug pag-welcome sa tuig 2024, dunay maayong balita nga nadawat sa usa ka higala maong nagselebrar sila.
Nag-amot silang duha aron mabayran ang nahisgutang mga galastuhan.
Gikonsidera na lang niya nga leksyon ang maong nahitabo nga mahimong sensitibo ilabi na sa nagpadayong kurapsyon ug kakabos sa nasud.
Ang maong video nagpakita sa usa ka maluho nga selebrasyon nga niabot og P6.77 milyon.
Si Tulfo anak ni Senador Raffy Tulfo ug ACT-CIS Party-List Rep. Jocelyn Tulfo.
