Nagpahibalo ang gobyerno sa Qatar nga dili kinahanglan ang panic buying, tungod kay igo ra ang suplay sa pagkaon ug uban pang panginahanglanon sa publiko.
Matud ni Joseph Timothy Rivera Bombo International Correspondent sa Qatar nga adunay gamay nga panic buying nga nahitabo sa unang adlaw, Pebrero 28, 2026, apan dali ra kini nakontrol. Gi-discourage sa gobyerno ang pagpang-hoard sa mga produkto, ug gimandoan ang mga supermarket nga mag-operate 24 oras kada adlaw aron masiguro nga accessible ang mga suplay sa tanan.
Gipahimangnoan ang katawhan nga kung sobra ang ilang pamalit sa supplies, posibleng sitahon sa pulis ug panguitan-on sa rason sa ilang ginabuhat. Sumala pa ni Rivera, klaro nga luwas ang suplay sa Qatar, ug wala’y rason nga magpanic ang mga katawhan. Ang publiko gihangyo nga magpalit lang sa tinuod nilang kinahanglan.
